بقلم الشـ.ــهـ..ـيد عبد الله حسن شور قبيل شهادته بساعات
لكل حدا عم يحكي على الشباب.. شي مرة فكرت كيف عايشين، شي مرة نمت ١٥ يوم بالبرد مع غالون مي وكم علبة تون، أو شي مرة تروقت سردين بالإيد بلا خبز لأن مش متوفر.
او شي مرة جربت ما تفوت عالحمام يلي هوي تحت الشجرة بالفلى وبس مرة وحدة بالنهار لأنو المسيرات فوق راسك ؟؟!!!
انت مجرب شعور السقعة لبتخرق العظم من فوق ٤ بناطلين و ٤ كنزات وفيلد ؟؟!! وما فيك تولع ضو قداحة لما تفضح حالك وتعرض حالك للخطر .
إنت مجرب تنام بخيمة والدنيا شتا والمي عم تمشي تحتك وما عندك حل تاني ؟؟!!
أو باقي بكلسات ورينجر مي لان ما في بديل وممكن يجي عدوك بأي لحظة ويصيرو كل أصابيع إجريك نفس الحجم لأن فشو من المي ؟؟!!!!
كم مرة بحياتك مرقت بلحظات تشهدت ونطرت لحظة الصفر وسلمت أمرك لربك ومرق فيلم حياتك بلحظة وأهلك وعيلتك لتاركن ورايح لأن واجبك الديني والشرعي والأخلاقي ما يقبل تترك بلادك للغاصب.
وهيك لحظة لما تطلع المسيرة فوق راسك بمطرح ما فيك تتخبى غير تحت الشجرة وصوت الغـ..ـارة من الحـ.ـربي ما يخليك تسمع صوت نفسك وتوصل لمرحلة تقدر تعد كم برمة لفراش الصـ.ـاروخ لطلع من الطيارة وتبلش تسمعو عم يقرب ويقرب وفجأة بيكمل طريقو وبتكون إنت مش هـ.ـدف إلو بس مجرد إنو الطيار ضربو من وراك ومرق فوقك وكمل.
لما تقدر تستوعب كل هالأمور وتعيش تفاصيلو وتحس شعور إبقى ناقش ح. الله بما يفعل…..
لما تستوعب عقل وتفكير شباب أعارو الله جماجمهم وتركوا المال والولد والعيال لنصـ.ــرة دينهم وردع عدو الله اللي بدو يغتصب الأرض والبشر والشجر ببلد في أهلن وناسن ومعن مخلوقات أنجس من الـ.ـعـ..ــدو ومستعدين يطـعنوك بضهرك ويفاوضو الـ.ـعـ..ــدو على شرفهم إلي مش موجود مهم ما يشغلو عقولن ويساندوك ومستعدين يكبوك بالبحر ويعيشو ذليلين
بس تقدر تعا ناقشني بس عبيد
وقبل نسيت قلك أحمل ٨٠ كيلو ليل ونهار ٥ أيام ومش رح قلك أكثر عشان لما تحكيني مع وجع ضهرك ومفاصلك تكون فهمان …..